Аялал жуулчлал – Хамтын хөгжил сургалт эхэллээ

Аялал жуулчлал – Хамтын хөгжил Дорнод аймагт салбарын зөвлөгөөн, сургалт эхэллээ

Дорнод аймгийн Хэрлэн суманд 2025 оны 11 дүгээр сарын 23–24-ний өдрүүдэд “Аялал жуулчлал – Хамтын хөгжил” сэдэвт салбарын зөвлөгөөн, сургалт зохион байгуулагдаж байна. Тус арга хэмжээ нь Монгол Улсын Засгийн газраас хэрэгжүүлж буй “Монголд зочлох жил 2024–2028” болон Дорнод аймгийг Түүхэн аялал жуулчлалын бүс болгон хөгжүүлэх зорилтын хүрээнд зохион байгуулагдаж буй онцлох ажил юм.

Арга хэмжээний зорилго нь аймгийн хэмжээнд аялал жуулчлал, зочлох үйлчилгээний чиглэлээр ажилладаг байгууллага, иргэдийн чадвар, үйлчилгээний стандарт, хүний нөөцийн чадавхийг сайжруулах, нутгийн иргэдийн оролцоог нэмэгдүүлэхэд чиглэгдэж байна.

ЗОХИОН БАЙГУУЛАГЧ БАЙГУУЛЛАГЧ

1. Дорнод аймгийн Засаг даргын Тамгын газар
2. Дорнод аймгийн Соёл урлаг, аялал жуулчлал, залуучуудын газар

Хамтран:

1. Худалдаа аж үйлдвэрийн танхим
2. Жижиг, дунд үйлдвэрийг дэмжих төв

ОРОЛЦОГЧИД

Эко отог, жуулчны бааз, амралтын газар, ресторан, зочид буудал, тур оператор, тээвэр, сувинер, гар урлал, НИТАЖ үйлчилгээ эрхлэгчид, сумдын удирдлагууд, ТХГН-үүд, банк, музей, соёлын байгууллагууд, хил, гааль, ГИХГ зэрэг нийт орон нутгийн аялал жуулчлалын экосистемийг бүрэн хамарсан байгууллагууд оролцож байна.

ХӨТӨЛБӨРИЙН ОНЦЛОХ ИЛТГЭЛҮҮД (11.23)

1. Аялал жуулчлалын чиг хандлага — АЖМХ НЭЗХЭ-ийн УЗ-ийн гишүүн, Гүйцэтгэх захирал М.Нарангэрэл
2. Дорнодын аялал жуулчлалын эдийн засгийн үр өгөөж — Доктор Ph.D Ө.Амгалан
3. Зочлох үйлчилгээний шинэчлэл, бүтээгдэхүүн — Hotelog платформын үүсгэн байгуулагч Б.Халиун
4. Хил орчмын аялал жуулчлалын хамтын ажиллагаа — АЖМХ НЭЗХЭ-ийн дэд ерөнхийлөгч В.Батзориг
5. Дижитал төлбөр, автоматжуулалт, менежмент — HorecaSoft-ийн үүсгэн байгуулагч Г.Гантулга
6. Аялал жуулчлалын дижитал маркетинг — Г.Анхбаяр

СУРГАЛТ, ПРАКТИК АЖИЛЛАГАА (11.24)

1. HorecaSoft – онлайн болон оффлайн бүртгэл, төлбөр тооцоо
2. “Зочид буудлын үйлчилгээний технологи” сургалт
3. Нөөцөд суурилсан орон нутгийн онцлог аялал хөгжүүлэх кейс — Доктор Н.Мөнхөө
4. Аялал жуулчлалын дижитал маркетинг (өргөтгөсөн)
5. DORNOD.HINOMAD.MN платформын танилцуулга
6. НИТАЖ хөтөлбөрийн иж бүрэн сургалтууд (бүтээгдэхүүн, үйлчилгээ, бэлтгэл, хөгжлийн чиглэлүүд)

Арга хэмжээний төгсгөлд

Оролцогчид Дорнод аймгийн аялал жуулчлалын хөгжлийн зорилт, орон нутгийн хамтын ажиллагааны шийдлийн талаар хэлэлцэж, аймгийн хэмжээнд аялал жуулчлалын салбарын нэгдсэн хөгжлийн шинэ загварыг боловсруулж ажиллах зорилт тавьж байна.