Аялал жуулчлалын мэргэжлийн холбоо НЭЗХЭ нь 2023 онд шинэчлэгдэн найруулагдан батлагдсан Аялал жуулчлалын тухай хуулийн 26,1 дээр заасны дагуу 2023 оны 8-р сарын 21-ний өдөр албан ёсоор байгуулагдсан болно.

Ерөнхийлөгчөөр Ц.Баатарсайхан сонгогдон ажиллаж байгаа ба Удирдах зөвлөл 27, Хяналтын зөвлөл 9, Ажлын албаны бүтэц, бүрэлдэхүүнтэйгээр үйл ажиллагаагаа явуулж байна. АЖМХ-ны үндсэн чиг үүрэг нь төр, хувийн хэвшлийн гүүр болон ажиллах салбарын хөгжилд бодит дэмжлэг үзүүлэх, төрийн зарим чиг үүргийг гүйцэтгэх юм.

Өдгөө 2024 оны 7-р сарын 15-ны өдрийн нийт 357 гишүүн байгууллагатай болж өргөжөөд байна. Үүнээс 242 тур оператор, 76 жуулчны бааз, ресорт, 15 зочид буудал, 18 хөтөч, 6 аяллын агент байгаа юм. Мөн орон нутаг болон салбар хариуцсан 13 салбар холбоотой болоод байна. /Одоогоор 5 нь бүрэн эрхэт салбар холбоо болно/ 

Төрийн чиг үүргийн хүрээнд төр хувийн хэвшлийн хамтын ажиллагаатайгаар одоогоор 19 арга хэмжээ, эвентийг амжилттай зохион байгуулжээ. Үүнд гадаад дотоод үзэсгэлэн, рөүд шоу, нэг жуулчинд нэг хонь, мазаалай ОУ-ын өвлийн наадам, Насдэйли, Аялал жуулчлалын долоо хоног гэх мэт арга хэмжээнүүд багтаж байна.