“HR GLOBAL FIRM”-ТАЙ ХАМТРАН АЖИЛЛАХ САНАМЖ БИЧИГ БАЙГУУЛЛАА

Аялал жуулчлалын мэргэжлийн холбоо, “HR Global Firm” байгууллагатай аялал жуулчлал, зочлох үйлчилгээний салбарын хүний нөөцийг хөгжүүлэх, мэргэшүүлэх, туршлага солилцох чиглэлээр хамтран ажиллах санамж бичиг байгууллаа.

ХАМТЫН АЖИЛЛАГААНЫ ХҮРЭЭНД:

• Салбарын ажилтнуудын чадавхыг дээшлүүлэх сургалт, дадлагын хөтөлбөр хэрэгжүүлэх;

• Монголын мэргэжилтнүүдийг БНСУ-ын стандарт, туршлагад сургах ;

• БНСУ-д ажиллах сонирхолтой мэргэжлийн ажиллах хүчийг шаардлагатай квот, визний ангилал, хууль тогтоомжийн хүрээнд бэлтгэх;

• E-7 визний чиглэлээр солонгос хэл, соёл, мэргэжлийн харилцааны сургалт зохион байгуулах;

• Удирдах ажилтнуудыг БНСУ-ын байгууллагуудад туршлага судлуулах, мэргэшүүлэх;

• Хоёр улсын аялал жуулчлал, хүний нөөцийн форум, сургалт, туршлага солилцох арга хэмжээг хамтран зохион байгуулах;

• БНСУ-д ажиллаж, дадлагажсан хүний нөөцийн мэдлэг, туршлагыг Монголын салбарын хөгжилд нэвтрүүлэх зэрэг ажилд хамтран ажиллах юм.