БНСУ-ЫН “УУЛЫН КАФЕ” АЯЛАЛ ЖУУЛЧЛАЛЫН СҮЛЖЭЭ ЦОГЦОЛБОРЫГ СЭЛЭНГЭ АЙМАГТ БАЙГУУЛАХ АЖЛЫГ ЭХЛҮҮЛНЭ
Сэлэнгэ аймгийн Засаг дарга Н.Лхагвадорж энэ оны 2 дугаар сард БНСУ-д албан томилолт хийсэн ба уг ажлын хүрээнд аялал жуулчлалын салбарт хөрөнгө оруулалт татах, хөдөө аж ахуйн чиглэлээр хамтран ажиллахаар болсон юм.
Хамтын ажиллагааны хүрээнд өнөөдөр /2025.10.21/ “Голд Вин” хуулийн товчооны захирал Рю Жэ Ён, “Уулын кафе” аялал жуулчлалын цогцолборын захирал Жан Сон Ён, “Агротек” ХХК-ийн захирал И Чон Сун нарын аж ахуй нэгжүүдийн төлөөлөгчид Сэлэнгэ аймагт хүрэлцэн ирж, удирдлагын багтай уулзалт хийв.
- Уулзалтаар дараах асуудлыг хэлэлцэв:
1. Солонгос улсын хэмжээнд 120 салбартай “Уулын кафе” аялал жуулчлалын сүлжээ цогцолборыг өөрсдийн хөрөнгө оруулалтаар Сэлэнгэ аймгийн “Сайханы хөтөл”-д салбар байгуулах;
2. Агро техник бүхий ухаалаг 4 улирлын хүлэмж барьж байгуулах;
3. БНСУ-д туршлага судлах зорилгоор улирлын чанартай ажилд ажилтан гаргах зэрэг асуудлуудыг хэлэлцэн, хоёр тал санал нэгдэв.
