GO MONGOLIA” НЭРИЙН ДОР “WTM LONDON 2025” ОЛОН УЛСЫН АЯЛАЛ ЖУУЛЧЛАЛЫН ҮЗЭСГЭЛЭНД МОНГОЛ УЛС ОРОЛЦОЖ БАЙНА
Дэлхийн аялал жуулчлалын салбарын хамгийн нэр хүндтэй арга хэмжээнүүдийн нэг болох World Travel Market (WTM London) үзэсгэлэн нь Их Британи, Умард Ирландын Нэгдсэн Хаант Улсын Лондон хотод 1980 оноос хойш тасралтгүй 45 дахь жилдээ зохион байгуулагдаж байна. Энэхүү үзэсгэлэн нь дэлхийн аялал жуулчлалын худалдааны өлгий нутаг гэгддэг бөгөөд жил бүр 40 гаруй орны 200 гаруй оролцогч, 9000 гаруй мэргэжлийн зочин оролцдог дэлхийн хэмжээний B2B (business-to-business) арга хэмжээ юм.
2025 оны 11 дүгээр сарын 4-6-ны өдрүүдэд болох тус үзэсгэлэнд Монгол Улсыг төлөөлөн Соёл, Спорт, Аялал жуулчлал, Залуучуудын яамны дэмжлэгтэйгээр, Аялал жуулчлалын мэргэжлийн холбооны зохион байгуулалттайгаар аялал жуулчлалын 10 байгууллага, мөн Монгол Улсаас Их Британи, Умард Ирландын Нэгдсэн Вант Улсад суугаа ЭСЯ зэрэг байгууллагууд “Go Mongolia” брэндийн дор оролцож байна.
Монгол Улс энэхүү үзэсгэлэнд 52 м² талбай бүхий үндэсний онцлогийг илтгэх тооно бүхий нээлттэй 3 талын павильон (N10–620)-д байрлаж байна.
ОРОЛЦОГЧИД:
- Актив энд Адвенчер Турс Монгол ХХК
- Эксплор Монголия ХХК
- Грейт Чингис Экспедишнс ХХК
- Нью Жуулчин Турс ХХК
- Рара Авис Адвэнтур ХХК
- Травел Он Ворлд ХХК
- Цолмон Трэвел ХХК
- Зэндмэнэ Трэйвэл ХХК
- Шинэ Соёл Тэлмэн ХХК
- Жамоторабэрү ХХК-иуддаа амжилт хүсье.
